काठमाडौं। नेपाली कांग्रेसका केन्द्रीय सदस्य एवं पूर्वमन्त्री मोहन बहादुर बस्नेतका स्वर्गीय पिता खड्गबहादुर बस्नेतको दाहासंस्कारमा सहभागी ५६ जना मलामीको पीसीआर रिपोर्ट नेगेटिभ आएको छ ।
जिल्ला जनस्वास्थ्य कार्यालयले स्वाब संकलन गरी परिक्षण गर्दा आइतबार २१ जनाको रिपोर्ट नेगेटिभ आएको हो । रिपोर्ट नेगेटिभ आउनेहरुमा चित्रबहादु बस्नेत, काशीराज बस्नेत, केदारमानसिंह बस्नेत, जयन्द्र पौडेल र क्षमादेवी उपस्वास्थ्य चौकी बाह्रविसेका दुई जना कर्मचारीसहित २१ जना छन ।
यस अघि लासबोक्ने बालकृष्ण बस्नेत लगायत ३५ जनाको स्वाब परिक्षण गर्दा रिपोर्ट नेगेटिभ आएको थियो ।
बस्नेतको त्रि.वि शिक्षण अस्पतालको मनमोहन कार्डियोथेरासिक भास्कुलर एण्ड ट्रान्सप्लान्ट सेन्टरमा साउन २२ गते उपचारका क्रममा निधन भएको थियो । बस्नेतको निधन भएको ६ दिनपछि स्वास्थ्य मन्त्रालयले कोरोना पुष्टि गरेको थियो ।
