नेपाली बजारमा आज सुन र चाँदी दुवैको मूल्यमा गिरावट देखिएको छ । नेपाल सुनचाँदी व्यवसायी महासंघका अनुसार अन्तर्राष्ट्रिय बजारको प्रभावसँगै स्थानीय बजारमा पनि भाउ घटेको हो।
आज छापावाल सुनको मूल्य प्रतितोला २ हजार ५ सय रुपैयाँले घटेर २ लाख ८३ हजार ५ सय रुपैयाँ कायम भएको छ । अघिल्लो कारोबार दिन यही सुन प्रतितोला २ लाख ८६ हजार रुपैयाँ मा किनबेच भएको थियो । १० ग्राम सुनको मूल्य भने आज २ लाख ४३ हजार ५५ रुपैयाँ निर्धारण गरिएको छ ।
सुनसँगै चाँदीको मूल्य पनि सामान्य रूपमा घटेको महासंघले जनाएको छ । आज चाँदी प्रतितोला २० रुपैयाँले घटेर ४ हजार ७ सय रुपैयाँ मा कारोबार भइरहेको छ । हिजो चाँदीको भाउ ४ हजार ७ सय २० रुपैयाँ रहेको थियो ।
त्यस्तै, १० ग्राम चाँदीको मूल्य आज ४ हजार ३० रुपैयाँ कायम गरिएको छ, जुन अघिल्लो दिनको ४ हजार ४७ रुपैयाँ भन्दा कम हो । बजार विश्लेषकहरूका अनुसार अन्तर्राष्ट्रिय बुलियन बजारमा आएको उतारचढावको असर नेपाली बजारमा प्रत्यक्ष देखिएको हो ।
मूल्यमा आएको यो गिरावटले सुन किन्ने उपभोक्ता तथा लगानीकर्ताका लागि केही राहत मिलेको व्यवसायीहरू बताउँछन् । विशेषगरी विवाह तथा चाडपर्व लक्षित खरिद गर्नेहरूका लागि आजको भाउ केही सहज बनेको छ ।
