काठमाडौं।सुनको मूल्य मंगलबार प्रतितोला १ हजार ३०० रुपैयाँले घटेको छ । नेपाल सुनचाँदी व्यवसायी महासंघले एकैदिन सुन तोलामा १३ सय रुपैयाँले घटेको जानकारी दिएको हो ।
मंगलबार छापावाल सुनको मूल्य तोलामा १ लाख ६ हजार ६०० रुपैयाँ र तेजाबी सुनको मूल्य तोलामा १ लाख ६ हजार १०० रुपैयाँ कायम भएको छ ।
सोमबार छापावाल सुनको मूल्य तोलामा १ लाख ७ हजार ९०० र तेजाबी सुनको मूल्य तोलामा १ लाख ७ हजार ४०० रुपैयाँ कायम थियो ।
चाँदीको मूल्यमा पनि गिरावट आएको छ । मंगलबार तोलामा ३० रुपैयाँले घटेसँगै चाँदीको कारोबार मूल्य १३ सय १० रुपैयाँ तोकिएको छ । सोमबार चाँदीको मूल्य तोलामा १३ सय ४० रुपैयाँ थियो ।
