कास्की।गण्डकी सरकारले हालसम्म करिब १७ प्रतिशत मात्रै बजेट खर्च गरेको छ ।३५ अर्ब ९० करोडको बजेट कार्यान्वयन गरिरहेको सरकारले हालसम्म चालुतर्फ २ अर्ब ९० करोड र पुँजीगततर्फ ३ अर्ब ६ करोड रुपैयाँ खर्च गरेको छ ।
चालुतर्फ करिब २२ प्रतिशत खर्च भएको छ भने पुँजीगततर्फ १४ प्रतिशत मात्रै खर्च भएको हो । हालसम्म जम्मा १६.६३ प्रतिशत बजेट खर्च भएको अर्थ मन्त्रालयकै जनाएको छ । बजेट खर्च मात्रै होइन, सरकारले राजस्व सङ्कलनमा पनि उल्लेख्य प्रगति गर्न सकेको छैन ।
आन्तरिक राजस्व करिब २४ प्रतिशत मात्रै उठाएको छ । ५ अर्ब ८१ करोड १६ लाख आन्तरिक आम्दानी गर्न लक्ष्य लिएको सरकारले हालसम्म १ अर्ब ३८ करोड ५५ लाख ३१ हजार आम्दानी गरेको छ ।
