काठमाडौँ । नेपाली बजारमा आज सुनचाँदीको मूल्यमा गिरावट आएको छ ।
नेपाल सुनचाँदी व्यवसायी महासंघका अनुसार बुधबार प्रतितोला एक लाख ५ हजार ५ सय रुपैयाँ कायम भएको छापावाल सुनको भाउ बिहीबार ३ हजार ५ सयले घटेर एक लाख २ हजार रुपैयाँमा कारोबार भैरहेको छ ।
यसैगरी, तेजावी सुनको भाउ तोलाको एक लाख १ हजार ५ सय हजार रुपैयाँ निर्धारण गरिएको छ । बुधबार सुनको भाउ इतिहासकै सबैभन्दा उच्च मूल्यमा पुगेको थियो ।
चाँदीको मूल्य भने आज तोलामा ४५ रुपैयाँको दरले घटेको छ । बुधबार एक हजार ४५० रुपैयाँमा कारोबार भएको चाँदी बिहीबार एक हजार ४०५ रुपैयाँमा निर्धारण भएको छ ।
