काठमाडौँ । साताको पहिलो दिन आज (आइतबार) सेयर बजारको परिसूचक नेप्से ६०. ४ अङ्कले बढेको छ ।
सो अङ्कको वृद्धिसँगै नेप्से २५८४ अङ्कमा पुगेको छ । कुल ४ अर्ब १२ करोड रुपैयाँको कारोबार भएको छ । म्युचुअल फन्डबाहेक सबै उपसमूह बढेका छन् ।
बैङ्किङ ३३, व्यापार १९, होटल तथा पर्यटन ४२, विकास बैङ्क १४४, जलविद्युत ४६, फाइनान्स १२, निर्जीवन बीमा ४११, उत्पादन ३४८, अन्य ४४, माइक्रोफाइनान्स १४० र जीवन बीमा उपसमूह ३४४ अङ्कले बढे ।
कुल १६८ कम्पनीको मूल्य बढ्यो भने १८ को घटेको छ । ४ कम्पनीको मूल्य भने स्थिर रह्यो । दुई कम्पनीहरु हिमालयन डिस्टिलरी र मध्यभोटेकोसी जलविद्युतको मूल्य १० प्रतिशतले बढ्यो ।
सूर्या लाइफ इन्स्योरेन्सको मूल्य ९.२ प्रतिशतले बढ्यो । त्यस्तै कर्पोरेट डेभलपमेन्टको मूल्य ७.७ र किसान लघुवित्तको मूल्य ७.३ प्रतिशतले बढ्यो । गोर्खा फाइनान्सको मूल्य सबैभन्दा धेरै ५ प्रतिशतले घटेको छ ।
